Isa 23 | ZomZIV | STEP | Tyre tawh kisai thusuak: Tyre kisia khina inn le tembaw khawlna om nawn lo ahi manin Tarshish tembawte aw, kap vangvang un! Cyprus gam panin amaute tungah thu a tung hi.

Isaiah 23

Tyre’ Thu Genkholhna

1 Tyre tawh kisai thusuak:

Tyre kisia khina
inn le tembaw khawlna om nawn lo ahi manin
Tarshish tembawte aw, kap vangvang un! ^a
Cyprus ^{▼▼23.1 Hebrew in Kittim} gam panin
amaute tungah thu a tung hi.
2 No tuikulh mite, no Sidon sumbukte -
tuipi tunga khualzina haute aw,
dai dide un.
3 Tui lianpi tungah
Shihor antang hong pai hi;
Nile ^{▼▼23.2,3 Masoretic Bupi; Si Tuipi Laizial khat ah Sidon / tuipi kantanpa / na thupuakte tui lianpite tungah om uh hi. Sihor antang, / Nile an kaihkhop} an lakte Tyre phiangsiah suak a,
tua mun minamte sumbuk phualpi a suak hi.
4 Sidon aw, nang, tuipi mun muanhuai tuipi aw, maizum in;
ahang in, tuipi in gen khin a:
“Keimah in nausuahnat thuakin nau ka suak ngei kei hi;
tapa vakin tanu zong ka khansuah ngei kei hi,” a ci hi.
5 Egypt ah thu a tun ciangin
Tyre pana a thuzak un amaute a buaisak hi.
6 Tuikulh a teng mite aw,
Tarshish lam kantan unla kah cihtakin kap un.
7 Hih in note kipahpih
a lui lua mahmah khuapi,
gamlapi pan zuana
na va tenna uh hi lo ahi hiam?
8 Kumpi lukhu a khusakpa,
a sumbawlte uliante vive ahi,
a sumbawlte leitunga kithei thamte,
hih Tyre tunga thupiang kua geel ahi hiam? ^d
9 Minthanna hanga kiphatsakna khempeuh niamsakin
leitunga kithei tham khempeuh niamkhiat ding ^e
Thahatpen TOPA geel ahi hi.
10 Tarshish Tanu aw,
Nile luan zui-in ^{▼▼23.10 Si Tuipi Laizial le Septuagint khutgelh pawlkhat; Masoretic Bupi ah kantanin pai in} na gam kantanin pai in;
nang khawlmun ding om nawn lo hi.
11 TOPA in tuipi tungah a khut zan khin ta a,
a kumpi-gamte uh a kilingsak hi. ^g
Amah in a kulh muanhuaite a kisiat nadingin
Phoenicia ^{▼▼23.11 Hebrew in Canaan} tawh kisai thu a pia khin hi. ⁱ
12 Amah in, “Sidon Tanu Ngak Bit aw,
na nuamsa nawn kei ding hi, ^j
tu-in na kisiazan hi! ^k
“Cyprus ^{▼▼23.12 Hebrew in Kittim} kantanin paito ta lecin tua lai nangawn ah
khawl nading na mu kei ding hi,” a ci hi.
13 Babylon-te ^{▼▼23.13 Ahikeh Chaldea-te} gam en dih in,
tu-in hih mite bangmahin kisim nawn lopi!
Assyria-te in sehnel-gam -
ganhingte omna suah khin uh a,
amau ki-umcihna taute a sangsak uh hi;
amaute mun muanhuai kalkhia in
na kisia a suah uh hi.
14 Tarshish tembawpite aw,
na mun muanhuai uh kisia khin ta hi; kap ngutngut un!

15 Tua hun ciangin kumpi hun tan khat ahi kum sawm sagih sung Tyre a kiphawkkha kei ding hi. Ahi hangin hih kum sawm sagihte a bei ciangin numei kizuakte la in: ⁿ

16 “Numei kizuakte kimangngilh ta hi;
harp khat la-in khuapi sung tengah vak kawikawi unla
note hong kiphawk nadingin limtakin harp tum kawmin
la tampi sa un,” a cih bangin Tyre tungah a tung ding hi.

17 Kum sawm sagih a bei ciangin TOPA in Tyre a thudon ding hi. Tuanu kizuakin a kawmte kiang panin kileh dinga, leitung bupa kumpi-gam khempeuh tawh sum a bawl khawm ding hi. 18 Tua hi napi a summet teng le a thalawhsa teng TOPA adingin a kituam koih ding hi; tuate kholtuamin kitang neih thei lo ding hi. A summette, TOPA mai-a omte in kicingtaka a nek ding uh le puan hoih nono a silh nadingun kipia ding hi.